Деновиве слушнавме дека помеѓу децата се шири ова вирусно заболување. Еве едно кратко претставување на оваа болест и начин како да му помогнете на заболеното лице.

Онихомикоза претставува габична инфекција на ноктите, која го зафаќа и целото стапало, но често се јавува и на ноктите на дланката. Оваа болест го деформира ноктот и е причина за болка. Бојата на ноктот се менува и зависи од типот на габата која го инфицира истиот. Ноктот може да биде бел, кафен, црн... во крајните стадиуми тој станува мек и кршлив или спонтано се одвојува од своето лежиште, а кожата околу ноктот може да биде црвена и отечена.

Најчести причинители се кандида, дерматофитите и не-дерматофитни габи.

Терапија

Оваа состојба е доста тешка за третман, а истиот трае подолго време. Полесните форми се лекуваат со локални препарати, креми, раствори и слично, додека пак потешките форми се лекуваат со ситемски антифунгални лекови.

Постојат и хируршки постапки, но тие се доста болни и се користат доколку лековите кои се користат се контраиндицирани или пак не делуваат.

Сепак најдобар начин е да се спречи настанувањето на габични инфекции, со редовна хигиена на рацете и нозете, да се внимава кожата да не се исуши (употребата на сапун без додатна хидратација на кожата, ја суши истата) сувата кожа е идеално место за развој на ваков вид инфекции, доколку е возможно да не се остава ногата во обувка долг временски период.

Доколку приметите состојба на габично воспаление, пожелно е да се јавите на лекар-дерматовенеролог, кој понатаму ќе ја третира состојбата.

Симптоми

По заразување со вирусот на настинка, првите симптоми се појавуваат за околу три дена и почнуваат оддеднаш со чувство на печење во грлото или носот, кивање, водест секрет од носот првите неколку дена кој подоцна станува погуст и потемен што не значи дека сте развиле бактериска инфекција, чувство на замор. Може да се појави и кашлица која може да трае и две недели.

Доколку боледувате од хроничен бронхитис, настинката ќе ги влоши симптомите. Доколку искашлувате секрет со темна боја и доколку чувствувате болка и непријатност во градите, тогаш можеби имате развиено бактериска инфекција. при настинка не се јавува треска, доколку ви се покачи телесната температура, тогаш можеби сте заразени со вирусот на грип, кој е различен од оној на настинка.

Симптомите поминуваат за три до пет дена, но може да чувствувате дека имате затнат нос уште една недела. За време на првите три дена вие може да го пренесете вирусот на настинка, затоа се препорачува да седите дома и да одмарате.

Настинката сама по себе не е опасна, освен кај новороденчиња и обично поминува сама, без употреба на лекови. Но во секој случај, таа го ослабнува организмот и го прави поподложен на други инфекции, затоа се препорачува во тие денови да конзумирате малку посилна храна и препарати кои ќе ви го зајакнат одбранбениот систем.

Третман на настинка

Многу одмор, внесување на многу вода, доколку имате болки во телото препорачливо е да се земе парацетамол, деконгестив (капки) за нос, но не повеќе од една недела, витамин ц и се што ќе ви помогне во борбата против вирусот.

Природата го создала човекот, тој е нејзино совршенство, ниеден компјутер, ниту пак технологија не може да ја достигне улогата на човекот во општеството. Секоја молекула е совршено распоредена и во синергизам со секоја друга молекула создадена од природата се создава совршенство-човек. Влијанието на трката по материјални добра, самоуништувањето на човековиот вид, води кон аномалии на совршенството од природата. Секоја одголена шума на Земјата, е канцер во човекот. Природата може да направи нова шума, да ја отстрани аномалијата на Земјата, природата може да го излечи и канцерот, да ја отстрани аномалијата во човекот, таа тоа го прави, таа создала се, таа има решение за нас.